Despois de ter realizado máis de 300 funcións en toda España, Brasil e Colombia, o espectáculo de Artello “Unha de amor” volve a presentarse ao público de Vigo, con catro funcións na Sala Teatro ÁRTIKA, o sábado 20 de febreiro ás 17:30 e 19:30 e o domingo 21 ás 12:00 e 18:00.
Unha de amor é un espectáculo dirixido ao público familiar (recomendado a partir de 5 anos) creado por Rosa Hurtado e Santi Montenegro, coa dirección de Manuel Pombal, inspirándose no conto O Gato Malhado e a Andorinha Sinhá, de Jorge Amado, e nas ilustracións que para o mesmo fixo o acuarelista baiano Carybé.
A entrañábel fábula cóntase mediante sorprendentes títeres de sombras e de variñas, deseñados e realizados polos propios actores lles dan vida. Coa súa sinxeleza e expresividade consiguen emocionar tanto aos cativos como aos adultos, co apoio dunha coidada banda sonora na que a música de Beethoven, Schubert ou Ravel fúndese coas voces de recoñecidos profesionais da dobraxe.
Además do recoñecemento de máis de 75.000 espectadores de todas as idades, Unha de amor recibíu o Premio á Mellor Posta en Escena e á Mellor Produción da Feria Europea de Teatro para Niñ@s de Gijón – FETEN. Tamén a crítica tense prodigado en eloxios ao espectáculo, como nestes exemplos:
- A simplicidade do encontro do gato malhado com a andorinha é traduzida pelos espanhóis num espetáculo grandioso, sobretudo pela agilidade na movimentação dos bonecos e a incorporação da linguagem cinematográfica. (K. Henrique, Correio Braziliense)
- A fábula de Jorge Amado foi a orixe de dúas das producións máis engaiolantes do festival [Titirimundi de Segovia] . As dúas compañías españolas acertaron na creación dun mundo onde o amor verdadeiro non atopa lugar fronte aos prexuízos e a hipocrisía. (Miguel Romero, Profesor de Escenografía da Universidade de Massachussets. Tradución na revista Bululú, nº0)
- Artello atrévese con Unha de amor cun plantexamento arriscado que nunca antes viramos en Galicia. Sáelles ben e o público vai notalo para a súa ledicia. O dito: non esquezades ós máis cativos da casa. (Francisco Castro, Atlántico Diario)
- Un espectáculo de sombras y títeres que desborda poesía e imaginación, dos cualidades cada vez menos comunes en el mundo de los adultos. (J. L. Oubiña, Faro de Vigo)
- La obra Unha de amor , de Artello-Teatro Alla Scala 1:5, a través de una producción artesanal de títeres y sombras embelesó al público que, paradójicamente, era en su mayoría adulto. (Elena Silveira, La Voz de Galicia)
Mercar entradas en ticketea.com para Unha de Amor na Sala Ártika.
