Teatro. Nin para ti, nin para min.

Teatro. Nin para ti, nin para min.

16/09/2013
    Datos del Evento:
  • 20/09/2013
    Fecha de inicio
  • 20:30
    Hora de inicio
  • --
    Eventos aquí

A Fundación Novacaixagalicia achega ás cidades de Vigo e Pontevedra a comedia Nin para ti, nin para min, un texto de Juan Luis Iborra e Sonia Gómez interpretado por Miriam Díaz-Aroca e Belinda Washington.

20 de Setembro en Vigo.

A función chega o día 19 á cidade pontevedresa e ao día seguinte celebrarase en Vigo, ambas ás 20.30 horas. Na cidade do Lérez terá lugar no Centro Social da entidade e na urbe viguesa será o Centro Cultural da fundación o que acolla a obra. As entradas están á venda nas súas canles habituais de comercialización de espectáculos, a web de Servinova, www.servinova.es, e a billeteira telefónica 902 504 500. O espectáculo está incluído na tempada de abonos da fundación galega, os cales supoñen un aforro do 20% respecto das entradas soltas. Ademais a entidade ten en marcha unha política de bonificacións e descontos para os desempregados, os xubilados e os novos que adquiran os abonos, que supón unha rebaixa adicional dun 10 % .

A obra

Nin para ti nin para min con texto de Juan Luis Iborra e Sonia Gómez e con Miriam Díaz-Aroca e Belinda Washington no elenco, conta, dende o punto de vista da comedia, unha historia de intrigas, traizóns e herdanzas que levará o público a escachar coa risa. Dúas mulleres acaban de sufrir unha perda irreparable. A dúas ficaron viúvas. No tanatorio, cando van recoller as cinsas, descobren que non só comparten a pena por ter perdido ao seu home, senón que ademais o defunto é o mesmo: estiveron casadas co mesmo home e só hai un quilo de cinsas a repartir entre as dúas. A pena inicial convértese en rabia e fracaso e mentres unha delas quere saber qué é o que ten a outra que ela non tivera, a segunda prefire esquecelo todo canto antes e pasar páxina. Pero isto no será doado: o defunto gárdalles unha nova sorpresa: se queren herdar algo del deberán convivir nun mesmo piso as dúas. Ambas son mulleres nunha idade difícil, séntense enganadas, traizoadas, e obrigadas a convivir cunha descoñecida, a cal, non esquezamos era a « outra ». Aos poucos confesan mutuamente as súas debilidades e deixan ao descuberto os seus medos, as súas frustracións, as súas inseguridades, e, sen decatarse, comezan a construír unha sólida amizade que as levará a confesar o seu secreto mellor gardado: ambas creen ter matado ao seu defunto marido. Ata niso se asemellan.

Pero a confesión, no canto de ser unha liberación, pasa a ser o maior problema da convivencia, porque xa ninguén se pode fiar de ninguén. Xa é demasiado tarde para fuxir, están condenadas a entenderse, a vivir xuntas unha vida nova … deseñada para elas polo propio defunto.

Te puede interesar:

La campaña CADA NIÑO UN JUGUETE empieza el 1 de noviembre y durante el mes de diciembre se realizará una serie de eventos
El musical de La Granja de Zeno?n del 27 al 29 de diciembre en el Auditorio Mar de Vigo
la IV Gala Internacional del Ilusionismo tendrá lugar en el Teatro Afundación Vigo el 26 y 27 de diciembre
Recogida Solidaria a favor de cuatro protectoras de animales
La iniciativa social "Os pans do Camiño" abre su plazo de inscripción hasta el 22 de diciembre

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.