NigranJazz 2017

NigranJazz 2017

27/07/2017

NigranJazz 2017, puro Jazz en Nigrán o 28 e 29 de xullo!

Os aclamados pianistas estadounidenses Michael Kanan e Kevin Hays, grandes estrelas internacionais desta edición.

O festival unirá para a ocasión ao guitarrista Virxilio da Silva e o pianista Abe Rábade. O cartel inclúe tamén ao contrabaixista portugués Gonçalo Leonardo presentando o seu primeiro disco e as tradicionais master-class, jams-sessions e sesións de swing.

O festival de jazz conta nesta edición con sendas actuacións estelares dos pianistas americanos Kevin Hays no seu único concerto en Europa co seu trío e de Michael Kanan co seu cuarteto.

Esta última banda ofrecerá o venres ás 12.00 horas no Auditorio do Concello de Nigrán unha clase maxistral dirixida a todo tipo de instrumentistas (os interesados deben presentarse unha hora antes e abonar 10 euros).

A programación do Nigranjazz inclúe tamén a oportunidade única de desfrutar do dúo formado para a ocasión polo pianista Abe Rábade e o guitarrista Virxilio da Silva, os dous músicos galegos máis relevantes no panorama nacional, que homenaxearán xuntos a histórica colaboración entre o pianista Bill Evans e o guitarrist Jim Hall.

Finalmente, a actuación do contrabaixista portugués Gonçalo Leonardo e a música para bailar ao estilo swing de The Alley Stompers completan o cartel xunto ás xa tradicionais master-class e as jams sessións posteriores aos concertos.

O Nigranjazz conta co apoio da Deputación de Pontevedra, a Sociedad de Artistas Intérpretes o Ejecutantes de España (AIE), a Fundación Mayeusis, Elemental Chefs e Rodosa.

Horarios NigranJazz 2017

Viernes 28 de Julio
Auditorio do Concello:
12:30: Masterclass con Kannan & Rossy Quartet
Auditorio da Foz do Miñor:
21:00: Gonçalo Leonardo Quartet
22:30: Kannan & Rossy Quartet
24:00: Jam Sesion
Sábado 29 de Julio
Paseo da Foz do Miñor:
19:30: Swing Session con The Alley Stompers
Auditorio da Foz do Miñor:
21:00: Abe Rábade & Virxilio da Silva: “Bill Evans & Jim Hall”
22:30: Kevin Hays New Day Trío
24:00: Jam Sesion

O Nigranjazz, festival máis señeiro do Concello de Nigrán cumpre 11 anos sendo o máis lonxevo organizado dende o consistorio e o único adicado ao jazz de toda a comarca do Val Miñor. Actualmente está considerado entre músicos, afeccionados e prensa especializada como un dos mellores do noroeste peninsular debido á calidade dos artistas que nel participan. A diferenza doutros festivais, aposta por un jazz puro, lonxano das vangardas. Sempre con entrada gratuíta, celébrase no espazo clasificado na Rede Natura do esteiro de A Foz, na Ramallosa.

Te puede interesar:

V Gala 'Non te esquezas de Rir'
James Armstrong Band (USA) Ciclo Internacional "Mais Que Blues" 2020

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.