Homenaxe ao Gaiteiro 2018

Homenaxe ao Gaiteiro 2018

Juan Carlos Nesta
15/03/2018

Desde o Grupo Etnográfico ‘A Buxaina’, en colaboración co Centro Cultural e Recreativo de Coruxo (CRACC), comprácenos un ano máis presentar a ‘Homenaxe ao Gaiteiro’, que acada xa a súa XXX edición. O acto, que xa vén sendo na cidade una acontecemento anual de renome, terá lugar no teatro ‘Afundación’, o día 17 de marzo ás 20:00 horas .

O obxectivo desde encontro é, sobre todo, homenaxear e poñer en valor aquelas persoas que, de xeito altruísta, souberon conservar e transmitir a sabedoría do noso baile e música tradicionais. Trátase, xa que logo, de apreciar a quen soubo atesourar a identidade do noso pobo. Para isto, desta volta os homenaxeados serán o mestre e gaiteiro Manolo Solla, o tamborileiro Manolo Rin-Rin (antigo membro de Muxicas) e os bailadores Hipólito e Dosinda,
do Concello de Avión.

Ademais desta homenaxe, contaremos coas actuacións dos grupos Raigames, octecto de gaitas e percusión herdeiro do legado de Enrique Otero, as pandeireteiras Lagharteiras e do propio Etnográfico A Buxaina. Tamén teremos o pracer de contar coa presenza de Manuel Botana, antigo membro de Fulano, Mengano e Citano, como presentador desta edición.

O acto celebrarase no auditorio do teatro Afundación, na rúa Policarpo Sánz, en Vigo. As invitacións poderán recollerse no CRACC de Coruxo a partir do día 7 de marzo para os socios do centro, cunha entrada-donativo de 3 euros, e do día 12 para os non socios, cunha entrada-donativo de 5 euros. As entradas poderán recollerse en horario de luns a venres de 20:00 a 22:00 horas e de 12:00 a 14:00 horas os sábados e domingos.

Te puede interesar:

La Coral Casablanca actuará el sábado 27 de julio en el Auditorio de Castrelos por las fiestas.

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.