O Concello de Vigo presenta a II edición do Vigo Dance Festival, que se celebrará os días 25 e 26 de abril no Auditorio Mar de Vigo. Tras o éxito da pasada edición celebrada en novembro, o festival regresa co obxectivo de seguir impulsando a danza como expresión artística e como espazo de encontro para toda a cidade.
Organizado pola Concellería de Xuventude, o evento reunirá a centenares de bailarinas e bailaríns de escolas, asociacións e grupos amateurs de Vigo, que poderán participar de forma gratuíta.
O alcalde, Abel Caballero, destacó durante a presentación que o Vigo Dance Festival "consolidouse como un escaparate do talento local e unha celebración da diversidade de estilos e escolas que enriquecen a nosa cidade".
Con actuacións en horario de mañana e tarde, entrada libre, premios para todos os grupos participantes e sorteos de viaxes ás Illas Cíes entre o público, o Vigo Dance Festival reforza o compromiso do Concello con a cultura, a mocidade e o talento artístico local.
Cando:
Do 25 de Abril ata o 26 de Abril de 2026
Lugar:
Auditorio Palacio de Congresos Mar de Vigo
Prezo:
Entrada libre
