Gilberto Santa Rosa chega a Vigo co seu espectáculo "Navidades con Gilberto Santa Rosa", unha serie de concertos especiais coas que celebrará o espírito do Nadal nos grandes escenarios de España.
O artista porto-riqueño, recoñecido internacionalmente como "El Caballero de la Salsa", é unha das figuras máis queridas e respectadas da música latina, con máis de corenta anos de carreira e múltiples premios Grammy e Latin Grammy.
A súa elegancia interpretativa, a complicidade co público e a calidade da súa orquestra converten cada actuación nunha experiencia única. En Vigo, Santa Rosa ofrecerá un percorrido polos grandes éxitos da súa traxectoria -temas como "Conteo regresivo", "Qué manera de quererte" ou "Vivir sin ella"- xunto a composicións máis recentes que amosan a súa constante evolución artística.
"Navidades con Gilberto Santa Rosa" é unha proposta cálida, elegante e festiva, deseñada para compartir a música e a emoción destas datas. O concerto do 18 de decembro no Auditorio Mar de Vigo conta co apoio da Xunta de Galicia a través da Axencia Turismo de Galicia, no marco de Concertos do Xacobeo. Unha noite para celebrar, bailar e brindar pola música co inconfundible ritmo e a voz única de "El Caballero de la Salsa".
Cando:
Xoves, 18 de Decembro de 2025
Lugar:
Auditorio Palacio de Congresos Mar de Vigo
Horario:
20.30 h
Prezo:
Entradas en https://www.teuticket.com
