A Orquestra Infantil e Xuvenil de Vigo, Kv2211, celebra o seu concerto de Verán e o Día Europeo da Música o vindeiro domingo 21 de Xuño, ás 12:00 horas, no Auditorio Municipal do Concello de Vigo, sito na Praza do Rei. Este concerto forma parte da programación que a Orquestra está a desenvolver grazas á colaboración do Concello de Vigo.
Nesta ocasión actuarán as tres formacións. En primeiro lugar, a Orquestra Infantil dirixida por Raquel Fernández, a continuación a Orquestra Xuvenil, dirixida por José Manuel Fernández Rosado e para finalizar a orquestra Tutti dirixida por Raquel Fernández porá o broche de ouro a un concerto de película.
Cando:
Domingo, 21 de Xuño de 2026
Lugar:
Praza do Rei 1
Horario:
12:00 h
Prezo:
Entrada libre até completar aforamento
