SÁBADO 18/10/2025
Alimentación de fauna do Exotarium – Todos os públicos: Durante o horario de comida das tartarugas e iguanas do exotarium poderás observar a súa dieta e a súa forma de alimentarse.
Xogando coas Sementes na Horta – Idade recomendada +4: Este é un momento ideal para recoller sementes dalgunhas plantas, ese regalo que nos ofrecen as plantas da horta para gardar de cara a tempada seguinte e, tamén, para poder comer. Ademais, toca sementar algúns cultivos e tamén faremos un xogo onde as sementes sexan as protagonistas.
Enriquecemento Ambiental Burros – Idade recomendada +6: As actividades de enriquecemento ambiental son moi importantes para o benestar dos animais en cautividade. Aquí nos axudarás a fabricar varios tipos de xoguetes alimenticios e premios para os burros e observaremos o seu comportamento
Biodetectives na Horta – Idade recomendada +4: Obradoiro no que faremos de detectives e coa nosa lupa electrónica localizaremos diferentes animaliños para identificalos e indagar cal é o seu cometido dentro da horta, así como curiosidades dos mesmos cando se poñen en acción.
O ovo e a galiña – Idade recomendada +6: Que foi primeiro, o ovo ou a galiña? Participa neste xogo de mesa en familia onde investigaremos a orixe das galiñas facendo unha viaxe ao Xurásico, onde atoparemos ao antepasado da Galiña de Mos, e observaremos a súa evolución ata o presente.
Aves Irrecuperables – Idade recomendada +6: Esta actividade está enfocada a mostrar as particularidades das aves rapaces existentes nas instalacións do parque, destacando os seus grupos, morfoloxía e adaptacións, similitudes, ameazas, xestión de exemplares feridos no medio natural e acollida de irrecuperables.
Coñecendo o noso Sol – Idade recomendada +7: Poderás achegarte a observar ao sol, ese gran descoñecido, directamente a través dun telescopio e construir o teu propio reloxio sol. (*) En caso de mal tempo meteorolóxico esta actividade será substituída por "o ceo nocturno".
DOMINGO 19/10/2015
Alimentación de fauna do Exotarium – Todos os públicos: Durante o horario de comida das tartarugas e iguanas do exotarium poderás observar a súa dieta e a súa forma de alimentarse.
Escape Room Familiar – Idade recomendada +8: “Código 17” é unha actividade de escape room especialmente deseñada para un público familiar, educativo e comprometido co medio ambiente. Nesta misión, transformarédesvos en científicos que deben facer fronte a un gran desafío: atopar os 17 Obxectivos de Desenvolvemento Sostible (ODS) que foron ocultados por un grupo de científicos rebeldes liderados polo malvado Dr. Lago. O escape room desenvólvese nunha contorna ambientada con material científico, mapas e pistas agochadas, o que crea unha atmosfera inmersiva, educativa e moi divertida. Os participantes deberán empregar o enxeño, traballar en equipo e resolver unha serie de enigmas que combinan lóxica, observación, pensamento crítico e creatividade. Cada paso achegaravos un pouco máis a desbloquear os cadeados e atopar todos os ODS antes de que se esgote o tempo.Ademais de ser unha aventura emocionante, Código 17 busca concienciar sobre a importancia dos ODS, fomentando valores como a sustentabilidade, a colaboración e o respecto polo planeta.
O mundo dos Artrópodos – Idade recomendada +6: Neste obradoiro manipulativo con artrópodos vivos poderás coñecer as diferentes características sobre o comportamento, bioloxía, ameazas, hábitat e modo de vida deles.
O idioma das Aves – Idade recomendada +6: Actividade familiar participativa centrada na comunicación das aves, onde os participantes aprenden a distinguir sons como o canto e o chamamento mediante xogos auditivos e unha visita guiada. Combínase a divulgación científica con dinámicas lúdicas e observación directa de aves irrecuperables.
Especies Exóticas Invasoras – Idade recomendada +6: Esta actividade pretende dar a coñecer o concepto de especie exótica e especie exótica invasora, explicando que son, como son introducidas no territorio, do seu proceso de invasión do territorio e parándonos especialmente en explicar o impacto e os problemas que provocan no medio natural e métodos para combater contra estas e a prevención contra a introdución de mais especies invasoras. Tamén observaremos algún exemplo moi próximo de fauna e flora exótica invasora.
Fenómenos do Ceo – Idade recomendada +7: Descubre os espectáculos máis sorprendentes do firmamento! Nesta actividade falaremos dos fenómenos celestes máis rechamantes como eclipses, cometas, tránsitos planetarios, chuvias de estrelas ou supernovas. A través de explicacións sinxelas, imaxes e unha manualidade creativa, aprenderemos por que e cando ocorren estes eventos, e como podemos observalos dende a Terra.
Cando:
Do 18 de Outubro ata o 19 de Outubro de 2025
Lugar:
Praza dos Leóns s/n
Horario:
SÁBADO 18/10/2025
13:00 – 13:15 h. Alimentación de fauna do Exotarium.
16:30 – 17:30 h. Xogando coas Sementes na Horta.
16:30 – 17:30 h. Enriquecemento Ambiental Burros.
17:30 – 18:30 h. Biodetectives na Horta.
17:30 – 18:30 h. O ovo e a galiña.
18:30 – 19:30 h. Aves Irrecuperables.
18:30 – 19:30 h. Coñecendo o noso Sol.
DOMINGO 19/10/2015
13:00 – 13:15 h. Alimentación de fauna do Exotarium.
16:30 – 18:30 h. Escape Room Familiar.
16:30 – 17:30 h. O mundo dos Artrópodos.
17:30 – 18:30 h. O idioma das Aves.
18:30 – 19:30 h. Especies Exóticas Invasoras.
18:30 – 19:30 h. Fenómenos do Ceo.
Prezo:
As actividades son de balde coa entrada ao parque.
