EN CLAVE DE FADO naceu na Galiza como unha formación musical diferente que abrangue canción portuguesa e galega. A súa presentación foi na Casa da Cultura de O Vicedo no ano 2009.
Iria Estévez é a vocalista principal do grupo, e grazas a sua privilexiada voz interpreta distintos estilos, como fado, canción galega ou bossa nova, entre outros. Clave de Fado supón a sua primeira experiencia profesional como cantante. Actualmente é alumna de Canto Profesional na E-trad de Vigo.
Á guitarra española atopase Gonzalo Piña, que conta cunha ampla experiencia musical, formando parte de numerosos grupos como Daclub!, Dask, Parallel Universse, nos que ademáis de instrumentista compón moitos temas musicais.
Á guitarra acústica e bouzouki está Pepe Piña, compositor de amplo percorrido na música profesional desde o seu inicio en solitario. En Lugo refundou ol grupo O carro con dous dos antigos compoñentes, participando como compositor e músico no Disco Homenaxe a Celso Emilio Ferreiro en compañía doutros grupos punteiros como Na Lúa, Luar na lubre, Suso Vaamonde, etc… Continúa con grupos como Haceros del norte publicando un disco con Alfonso Gomez, Cosecha Roja e na actualidad con Taninos maduros Jazz Band e Marlon, aparte do seu proxecto personal Pepe Piña Grupo.
Nas súas actuacións, Clave de Fado combina a frescura dos fados máis ledos coa emoción das cancións galegas e os fados máis sentidos.
24/04/2014 – Café de Catro a Catro, C/ Gerona 16 Vigo
Entrada 5€
