VOLVE A CAMPAÑA AMA O TEU MERCADO A VIGO CON DISTINTAS ACTIVIDADES NOS MERCADOS DA CIDADE
O sábado 13 unha sesión DJ da man de Mario Rey acompañada dun servicio de coctelería no Mercado do Progreso dará inicio en Vigo á campaña Ama o teu mercado que durante dúas semanas encherá os distintos mercados da cidade con actividades como showcookings de personaxes públicas coñecidas na cidade (Noelia Otero, Tony Lomba e Xavier Moreda), exhibicións de claqué e lindy hop e un flashmob que percorrerá o Mercado do Calvario.
LOVE YOUR GLOBAL MARKETS
O evento englóbase dentro da campaña internacional Love your global market na que participan uns 2000 mercados de 16 países de todo o mundo. Está promovida pola WUWM (Unión Mundial de Mercados Maioristas) e este mes de maio celebra a súa cuarta edición internacional.
Os mercados de Vigo tiveron unha participación destacada nas edicións anteriores e este ano pretende dárselle continuidade a esta iniciativa traballando no tema proposto, “Mercados para as novas xeracións”, desta forma, as accións propostas van orientadas a encher os mercados de xente nova.
Inauguración: Sábado 13 ás 12 horas no Mercado do Progreso
Datas de celebración: do sábado 13 ao sábado 27 de Maio.
