Sardiñada de San Xoán – Casco Vello Alto

Sardiñada de San Xoán – Casco Vello Alto

¿Aínda pensas quedar na casa en San Xoán? Xa sexa para quitar ou meter o demo no corpo, este ano volta a sardiñada de San Xoán ó Casco Vello Alto de Vigo para gozo dos paladares e sacrificio das sardiñas. Tes una cita este Martes 23 de Xuño ás oito da noite no Casco Vello Alto.

A partires das oito da noite e na praza do “Abanico”, diante da Casa da Collona os veciños se reunirán e inmolarán por San Xoán ás sardiñas para que mollen o pan.

Para asegurar que non te quedas sen sardiñas dende a asociación cultural do barrio alto do casco vello poñen á venda uns tickets que che permiten reservar por 5€ dúas sardiñas con pan, e unha empanadilla artesana. Este ticket poderás aboalo por anticipado no Espacio Nido antes do martes 23 ó mediodía. Mercarán algunha sardiña de máis para o que se apunte a última hora, e venderémolas “in situ”, pero esta modalidade non garante que vaias ter sardiñas porque terán prioridade os que xa teñan aboado o ticket de 5€.

Como non, haberá refrescos e unha billa de cervexa que se venderá a 1,5€ o vaso así como a actuación dun DJ  e dun grupo de rock en directo.

Máis información en Casco Vello Alto.

Deja un comentario

Este sitio usa Akismet para reducir el spam. Aprende cómo se procesan los datos de tus comentarios.