colaborador
28/09/2016

A webserie de humor Dalle Jas! celebra este mércores 28 de setembro a preestra da súa segunda temporada no Auditorio do Concello de Vigo cunha gala que estará amenizada polos membros do Grupo de Teatro Triatreros.

Ficha del evento:
  • 28/09/2016
    Fecha de inicio
  • 20.30
    Hora de inicio
  • auditorio do concello
    Lugar del evento

No acto, que dará comezo ás 20.30 horas e será de balde, proxectaranse os dous primeiros capítulos da nova temporada que continúa coa trama anterior, na que catro completos descoñecidos emprendían unha viaxe en coche de Galicia a Madrid, chea de aventuras e despropósitos, sempre en clave de humor.

Nesta segunda temporada, na que o humor segue a ser o ingrediente principal, repiten baixo a dirección de J.M Sagüillo, os actores e actrices da compañía Triatreros Bea Campos, Tone Martínez, Omar Ferrín, Alba Bermúdez e Martín Martínez, que dan vida aos protagonistas da webserie e que estarán acompañados por invitados especiais coma Toni Salgado, Miguel Borines, Fran Lareu, Xoan Abreu, ou Machi Salgado entre outros.

A primeira temporada de Dalle Jas!, que viu a luz entre finais do 2014 e principios do 2015, conseguiu nominacións en distintos festivais de webseries coma o Bilbao Web Festival, (mellor comedia, mellor serie, mellores créditos e mellor personaxe) ou o Miami Web Fest. Ademais, optou ao premio Mestre Mateo na categoría de mellor webserie na pasada edición dos galardóns.

O equipo de Dalle Jas! quere convidar a todos/as aqueles/as que queiran pasar un rato divertido e disfrutar do humor galego a se pasen polo Auditorio do Concello de Vigo o próximo mércores.

cartel_2t.jpg

Deja un comentario

Tu dirección de correo electrónico no será publicada. Los campos obligatorios están marcados con *

Nombre *