Festival PoemaRia, poesía polo Casco Vello!

Festival PoemaRia, poesía polo Casco Vello!

Do 16 ao 18 de xuño poesía polo Casco Vello no festival PoemaRia 2017.

Se queres disfrutar dalgúns dos poetas nacionais e internacionais máis destacados dos últimos anos, deixarte levar por versos en galego, castelán, inglés ou portugués, facer un percorrido pola cidade descubrindo contos ou acabar o día cun concerto ao aire libre e unha sesión de curtas, non podes perder PoemaRia 2017!

Esta fin de semana, do 16 ao 18 de xuño, a segunda edición do festival Internacional PoemaRia Vigo espallará poesía polo Casco Vello con actividades ben diferentes pero que teñen en común a calidade e o desexo de salientar especialmente a voz das mulleres na poesía. Será o colofón a tódalas actividades de PoemaRia ao longo do ano e queremos convidar a todos a sumarse á festa. Se che gusta a poesía, non o podes perder, e se pensas que non é o teu, dalle unha oportunidade: como levamos proclamando 5 semanas nos nosos obradoiros, a poesía non morde (aínda que ás veces debería)!

Contaremos, entre outras, coa participación da orixinalísima, innovadora e indispensable poeta galega Yolanda Castaño que recitará o sábado xunto a autora portuguesa de referencia Ana Luísa Amaral. Na inauguración do venres, teremos a oportunidade de escoitar á poeta andaluza Carmen Camacho e as galegas María do Cebreiro e Estíbaliz Espinosa.

Ademáis, haberá outras lecturas de poetas con traxectoria editorial consolidada de Irlanda como Paul Casey, Portugal como Filipa Leal ou Ana Luísa Amaral, Córdoba, como María Sánchez, e as voces máis salientables do panorama galego coma Antía Otero, Xina Vega, Xosé María Álvarez Cáccamo, Luz Pichel, María Reimóndez ou Isaac Xubín.
A editorial madrileña Amargord creará unha nova colección Poemaria coa publicación dunha antoloxía anual do festival con diseminación en España e Latinoamérica.

Tes o programa e a información sobre os participantes na nosa web www.poemaria.eu e no noso Facebook .

Esperámoste!

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.