Dakidarría na Universidade de Vigo

Dakidarría na Universidade de Vigo

Juan Carlos Nesta
02/03/2016

A enerxía dos directos do grupo Dakidarría abre mañá a programación cultural do segundo cuadrimestre da Universidade de Vigo.

Logo de trece anos de percorrer coa súa música a península e mesmo México, e de catro discos de estudio, veñen de editar De cuncas e mar, un traballo composto por un CD e un DVD do seu directo, que amosa a súa consolidación e fusión co seu público.

Dakidarría está integrado por oito músicos de municipios de o Val Miñor (Pontevedra) que misturan ska e reggae con punk-rock.

O grupo naceu sen plans previos, dando un salto das tardes de música entre amigos ás salas de concertos e aos escenarios dos festivais. Tan só querían vivir á súa maneira sentíndose libres e acabaron compoñendo para reflexionar sobre o mundo.  A súa carreira está composta por unha maqueta Diskordia nas Rías Baixas, un vinilo
recompilatorio (#10AnosNaRúa) e catro discos de estudo: Fragasaurus Rex, El futuro nunca existió, Realidades alienantes e Utopías emerxentes. De cuncas e de mar inclúe 15 cancións en directo que reflicten o momento de forma dunha banda consolidada na súa terra e moi querida polo seu público. No dvd, ademais de poder ver un concerto íntegro, ofrecen unha serie de mini-reportaxes sobre a banda que achegan ao espectador á realidade do día a día dos músicos e do seu ambiente.

Data: Mércores, 2 de marzo

Hora: 18.30 h // Entrada libre e gratuita ata completar aforamento

Lugar: Teatro de Cidade Universitaria. Univeridade de Vigo.

Te puede interesar:

Este 22 de mayo hasta el 26, se celebra la Feria de Abril en Vigo, este año en Samil tras varios problemas organizativos.
Guerra civil, monteferro

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.