A Bela Durminte de Tchaikovski estará en Vigo o vindeiro 28 de Maio no Centro Cultural Novacaixagalicia. (20:30h)

Representación do Russian Classical Ballet da peza clásica A bela durminte de Tchaikovski. A bela durminte, unha das tres grandes partituras que compuxo Tchaikovski, xunto con O lago dos cisnes e O quebranoces. Para abordar esta clásica obra, a compañía rusa coidou ata o máis mínimo detalle da súa produción, incluíndo tamén a dura selección dos seus integrantes, procedentes todos eles dalgúns dos centros máis recoñecidos do mundo.

O Russian Classical Ballet foi fundado en Moscova en 2004 por Hassan Usmanov, director artístico e bailarín principal da compañía. O grupo está formado por artistas xa consagrados e por novos bailaríns graduados na Academia de Ballet Bolshoi, a Academia Vaganova e outras escolas de danza de gran sona a nivel internacional. O Russian Classical Ballet realizou con éxito xiras tanto por Rusia como polo estranxeiro en países como Austria, Alemaña, Suíza, Grecia, Ucraína, Xapón ou China.

Hassan Usmanov comezou a súa carreira como bailarín no Ballet Clásico de Moscova baixo a dirección de Natalia Kasatkina e Vladimir Vasiliev. Actuou, como solista convidado, co Ballet da Imperial, con The Russian National Ballet Theatre e con outras compañías de Estados Unidos, Xapón e Europa. Hassan Usmanov ten unha técnica brillante e ten sido galardoado con diferentes premios nos concursos internacionais de ballet de Moscova, París, Luxemburgo, San Petersburgo ou Budapest.

A bela durminte, de Tchaikovski, é a historia da princesa Aurora, condenada a morrer pola malvada fada Carabosse. Vendo a gravidade do feitizo, a fada das Lilas suavizou a maldición evitando que a princesa morrese, mais quedando sumida nun profundo sono ata que fose espertada por un bico de amor. Cen anos despois do décimo sexto aniversario de Aurora e tras pincharse cun fuso, consonte as palabras de Carabosse, un príncipe novo e galante aparece para cumprir o destino de eliminar o encantamento.

A bela durminte é un ballet nun prólogo e tres actos. Coa coreografía de Marius Petipa, libreto de Ivan A. Vsevolojsky e do mesmo Petipa e con música de Piotr I. Tchaikovski, estreouse no Teatro Mariinski de San Petersburgo o 3 de xaneiro de 1890.

Ivan Vsevolojski, director xeral dos Teatros Imperiais elixiu a historia do conto de Charles Perrault, e encargou a partitura a Tchaikovski, pedíndolle unha serie de melodías ao xeito de Lully, Bach e Rameau e un grupo de personaxes tomados doutros contos de Perrault. Tchaikovski encarou o seu traballo con entusiasmo e, aínda que pareceu seguir fielmente os pedidos do director e as detalladas instrucións de Petipa, en realidade creou unha obra con valores propios e unha entidade musical dunha dimensión ata entón descoñecida no ballet. Foi, ademais, a súa peza de ballet de máis longa duración.

Deja un comentario

Tu dirección de correo electrónico no será publicada. Los campos obligatorios están marcados con *

Juan Carlos Nesta
Desarrollador Web & Blogger.

Donar con Paypal

Si te mola el blog quizá nos puedas echar una mano para mantenerlo.

Autor:
Desarrollador Web & Blogger.
Publicado el: 21/05/2014

quehacerenvigo.es

Destacado